Îzahatnameyê Komîsyonê Ziwan, Kultur û Hunerî:
Roja ferhengê Çerkesî ke 14ê Adare 1853 de Bersey Wumarî nuşt, 2003 ra nat bi qerarê Yewîya Çerkesanê Dinya "14ê Adare Roja Ziwan û Nuştişê Çerkesî" qebul bîya û yena pîrozkerdene.
Ziwanê dayîke yê yew şarî tena hacetêk nîyo ke pê têkilîyan rono, ziwanê dayîke hişmendîya komelî, vîr û tarîxê şarî yo. Ameyox, bê ziwanê dayîke nêbeno, coka ganî ma ziwanan rê wayîrîye bikerê ke cuye, estbîyayîş û dewamîya şaran estbo.
Tirkîya de hukmat bi hawayêko giran seke şarê Kurdî ser o dewam keno, şarê Çerkesî ser o zî polîtîkaya asîmîlasyonî tetbîq keno û waştişê heqanê şarê Çerkesî rê çimanê xo padeno û xo peygoş keno.
Demokratîkbîyayîş bi vindarnayîşê tehdayan ke şar, ziwanê dayîke, kultur û bawerîyan ser o yê, bi heqanê seypêyîya huqûqî, bi garantîkerdişê ziwananê dayîke yê huqûqî mumkun beno. Na çerçewa de Tirkîya de goreyê rastîya komelê zafziwan û zafkulturî, ganî heqê heme ziwananê dayîke bêrê dayene. Ma do sey heme şaranê ke nêeşkenê bi ziwan û kulturê xo azad biciwîyê, têkoşînê şarê Çerkesî yê seba ziwan, kultur, cuya azad û seypêye bikerê.
14ê Adare Roja Ziwan û Nuştişê Adîgeyî (Çerkesî) bimbarek bo!
14ê Adare 2025
Komîsyonê Ziwan, Kultur û Hunerî yê Partîya DEMî