Beyanatê Meclîsê ma yê Cinîyan:
Ma xoverdayîş û şorişê ke serra 2014î de bi rayberîya cinîyan hemverê hêrîşanê DAÎŞî de Kobanî de berz bi, silam kenê.
Cuya newa ya ke bi paradîgmaya demokratîk, ekolojîk û azadîya cinîyan ameya awankerdene, ewro zî seba heme cinîyanê dinya bîya îlham. Ma do paştî bidê cinîyanê Kobanîyijan ke bi dewanê xo yê akolojîkan, bi qanûnê xo yê bingeyî xoverdayîşê cuyêka azade û seyyewbîne danê.
Hêrîşê hewayî yê îqtîdarê AKP-MHPyî ke hemverê Vakur û Rojhelatê Sûrîye de kenê hêrîşê hemverê destkewteyanê cinîyan ê. Êyê ke xîret kenê qewetê xo bi sîyasetê şerê lêminî gandar bikerê, hêrîşê şarê Kobanî û cinîyan kenê. Labelê no zîhnîyet çi rey ser nêkewt, do ser nêkewo zî. Cinî do çi rey destûr nêdê ke şima bi sîyasetê şerî îqtîdarê xo lingan ser o vindarnê. Ma do cinîyanê Kobanîyijan reyde heme polîtîkayanê faşîzmî bin bifînê.
Roj roja paştîgirewtişî yo! Cinî do bi xoverdayîşê xo yê tarîxî, tarîyîya ke heme dinya de û bi taybetî zî Rojhelato Mîyanên de vila bîya roşnî bikerê û dîwaranê tersî bixilnê.
Weş bo Şorişê Rojawanî!
Cinî Cuye Azadîye
Meclîsê Cinîyan ê Partîya DEMî
1 Teşrîna Peyêne 2024