Mesajê Hemserekanê ma yê Pêroyî yê derheqê Roşanê Remezanî de:
Roşanî rojê taybet ê ke yewîye û piştîdayene tewr vêşî yenê hîskerdene û ma bi nê hîsan yenê têhet. Ma hêvî kenê ke no roşan bibo hetkar ke ma bi piştîdayene heme dejanê xo yê hemparan ravîyarnê, hêvîyan vêşî bikerê û destpêkêko newe awan bikerê.
Ma hêvî kenê ke Roşanê Remezanî peynîya feqîrîye, neheqîye û netêdustîye bîyaro û berê cûyêka newa akero ke her kes te de bi aramî biciwîyo.
Ewro berpirsîyarîya ma ya hempar a ke ma bi dîyalog, pêameyîşê demokratîkî û muzakereyan krîzanê sîyasî û komelkî yê ke welatê ma te de yo ravîyarnê. Ma wextêko winî ra ravîyarenê ke ganî ma her game hîsê pêameyîşî yê roşanî hîs bikerê û nê hîsî gandar bikerê. Ma eşkenê heme problemanê xo bi helwêstêko rêzdar çare bikerê.
Bi wesîleyê nê roşanî ma hêvî kenê ke Vengdayîşê Aştîye û Komelê Demokratîkî bêro ca. Roja ke aştîye bêro ca, a roje do bibo roşano tewr pîl yê Tirkîya.
Bi nê hîs û fikran, ma hêvî kenê ke Roşanê Remezanî bibo semedê aştîye û demokrasî seba 85 mîlyonan û azadîya heme hepsîyanê sîyasîyan. Ma roşanê her kesî zerrî ra fîraz kenê.
29 Adare 2025